Gənc cüdoçularımız Avropa kuboku yarışını 4 medalla başa vurublar
5-07-2021, 14:29
BrendSport.az xəbər verir ki, beynəlxalq turnirin son günü Azərbaycan cüdoçuları daha 2 bürünc medal qazanıblar. Belə ki, Elcan Hacıyev (81 kq) və Ruslan Nəsirli (100 kq) turnirdə üçüncü yeri tutublar. Beləliklə, milli komandamız Avropa kubokunu 1 qızıl və 3 bürünc medalla başa vurub.
Qeyd edək ki, yarışın ilk günündə Turan Bayramov (60 kq) qızıl, Nəriman Mirzəyev (66 kq) isə bürünc medala layiq görülüb. Avropa kubokunda 24 ölkədən 306 cüdoçu yarışıb.
Geri qayıt