Azərbaycan kubokunda "Sumqayıt" - "Keşlə" finalı
29-04-2021, 23:40
Bu gün Azərbaycan kubokunda yarımfinal mərhələsinə yekun vurulacaq.
BrendSport.az xəbər verir ki, keçiriləcək iki cavab matçından sonra finalçılar müəyyənləşəcək.
Əvvəlcə Premyer Liqanın lideri "Qarabağ" "Sumqayıt"ı qəbul edib. Komandalar arasında Sumqayıtda keçirilən görüşdə qol vurulmayıb. Bu görüş isə penaltilər seriyasına qədər uzanıb. Burada daha dəqiq olan (5:4) "Sumqayıt" kubokun ilk finalçısı olub.
Günün digər matçında isə "Zirə" Keşlə"ni qəbul edəcək. Səfərdə keçirilən ilk görüşdə rəqibinə 2:1 hesabı ilə qalib gələn Rəşad Sadıqovun komandasının mərhələni adlamaq şansı daha böyükdür.
Qeyd edək ki, final qarşılaşması mayın 24-də keçiriləcək.
29 aprel (cümə axşamı)
20:00.“Zirə” – “Keşlə” - 2:3
Qollar: Şəhriyar Əliyev, 48-avtoqol (1:0), Sezar Meza Kolli, 66 (1:1), 90-pen. (1:2), 92 (1:3), Klesio Bauk, 111 (2:3)
Qırmızı vərəqə: Lazar Corceviç, 88
İlk oyun - 2:1
Hakimlər: Elçin Məsiyev, Pərvin Talıbov, Müslüm Əliyev, Rəşad Əhmədov
Zirə İdman Kompleksinin stadionu
17:00.“Qarabağ” – “Sumqayıt” - 0:0 (Penaltilər - 4:5)
İlk oyun - 0:0
Hakimlər: Əliyar Ağayev, Zeynal Zeynalov, Akif Əmirəli, İnqilab Məmmədov
Tofiq Bəhramov adına Respublika Stadionu
Geri qayıt