“Neftçi” klubunun İranın “İstiqlal” komandası ilə yoxlama oyunu ləğv olunub
19-01-2019, 15:55
Bakının “Neftçi” futbol klubunun Antalya toplanışı çərçivəsində yanvarın 20-də “İstiqlal” (İran) komandası ilə keçirilməli olan yoxlama oyunu ləğv olunub.
BrendSport.az kluba istinadla xəbər verir ki, buna səbəb baş məşqçi Roberto Bordinin qərarıdır.
İtaliyalı mütəxəssis fiziki yüklü məşqlərdən sonra futbolçuların ard-arda iki yoxlama oyununda meydana çıxacaqları halda onların zədələnmə ehtimalının artmasını əsas gətirərək belə qərar qəbul edib.
Xatırladaq ki, yanvarın 18-də “Qaz Metan”la (Rumıniya) sınaq matçında qələbə qazanan (3:0) “Neftçi” yanvarın 23-də “Slovan” (Liberes, Çexiya), üç gün sonra isə “Beroe” (Bolqarıstan) klubları ilə qarşılaşacaq.
Geri qayıt