"Azərreyl" çempion! - YENİLƏNİB
2-04-2018, 21:08
Bu gün qadın voleybolçular arasında Azərbaycan Super Liqasında III dövrəyə yekun vurulub. Martın 30-da güclü külək səbəbindən təxirə salınan IX turun hər 2 oyunu eyni gündə təşkil olunub.
Voleybol Mərkəzində baş tutan oyunlarda meydana öncə “Lokomotiv”lə AVF çıxıb. Adnan Kistakın yetirmələri aşkar favorit olduğu görüşdə asan qələbəyə seviniblər. Düzdü, ilk iki seti 8 top öndə bitirən AVF 3-cü hissədə çətinliklə üzləşib. Lakin təcrübə öz sözünü deyib. "Quru hesabla" qələbə qazanan AVF gümüş medal uğrunda mübarizəni davam etdirəcək. Arxada qalan 9 tur ərzində nəinki xal, set belə qazana bilməyən "Lokomotiv" isə mükafatlar uğrunda gedən mübarizədən kənar qalıb.
Turun mərkəzi qarşılaşması isə “Abşeron”la “Azərreyl” arasında olub. Bu görüş hər 2 komanda üçün böyük əhəmiyyət kəsb etsə də, nominal ev sahibləri şanslarından yararlana bilməyiblər. Xal itirmədən qazanılan qələbə Famil Ağayevin yetirmələrini mövsümün sonuna 1 dövrə - 3 tur qalmış çempion edib. Ötən ay “Novruz Kuboku”nu qazanan “dəmiryolçular” 2015-16 mövsümündə olduğu kimi, yenə ili qızıl medallarla başa vururlar. “Azərreyl”lə hər 3 görüşdə məğlub olan “Abşeron” isə qarşıdakı oyunlarda ikinci pillədəki yerini qorumağa çalışacaq. Əks halda, onlar “gümüş”ü də əldən verə bilərlər.
Super Liqa
IX tur
30 mart
“Abşeron” - “Azərreyl” - 1:3 (19:25, 25:21, 26:28, 18:25)
I dövrə: “Abşeron” - “Azərreyl” - 1:3 (26:24, 12:25, 15:25, 19:25)
II dövrə: [/b]“Azərreyl” - “Abşeron” - 3:0 (25:19, 25:16, 25:19)
[b]“Lokomotiv” - AVF - 0:3 (17:25, 17:25, 29:31)
I dövrə: “Lokomotiv” - AVF - 0:3 (12:25, 19:25, 14:25)
II dövrə: AVF - “Lokomotiv” - 3:0 (25:15, 25:13, 25:16)
Apasport.az
Geri qayıt