“Qarabağ”ın müdafiəçisi Premyer Liqada 250-ci oyununu keçirib
6-02-2024, 11:00
“Qarabağ”ın futbolçusu Bədavi Hüseynov Azərbaycan çempionatlarında 250-ci oyununu keçirib.
BrendSport.az xəbər verir ki, onun yubiley matçı Premyer Liqanın XXI turunda baş tutub.
33 yaşlı müdafiəçi “Səbail”lə səfər qarşılaşmasında meydana çıxıb. Bədavi 250 görüşdə 4 qola imza atıb.
O, Premyer Liqada iki klubun formasını geyinib. “Sumqayıt”da 26 matça çıxan futbolçu “Qarabağ”da 224-cü oyununu keçirib. Hüseynov bütün qollarını Ağdam klubunda vurub.
Qeyd edək ki, Bədavi Hüseynov Azərbaycan çempionatında 2011-2012-ci illər mövsümündə debüt edib. O, 2011-ci il sentyabrın 11-də “Sumqayıt”ın heyətində “Qarabağ”la görüşdə (0:0) debüt edib.
Geri qayıt