AFFA İcraiyyə Komitəsinin müzakirə edəcəyi məsələlər açıqlanıb
14-06-2023, 11:50
AFFA-nın İcraiyyə Komitəsinin növbəti iclasının vaxtı dəqiqləşib.
BrendSport.az xəbər verir ki, toplantı iyunun 16-da saat 11:30-da “Dalğa Arena”da gerçəkləşəcək.
İclasın gündəliyinə aşağıdakı məsələlər daxil edilib:
1. 2023-2024-cü illər mövsümündə I Divizionda çıxış edəcək komandaların siyahısının təsdiqi
2. II Divizionun təsis olunması, turnirdə iştirak edəcək komandaların siyahısının müzakirəsi
3. Lisenziyalaşdırma qaydaları ilə bağlı müvafiq əlavə və dəyişikliklər
4. Premyer Liqa və Azərbaycan Kuboku uğrunda yarışın oyunlarının yayım hüququnun klublara dövlət tərəfindən ayrılan maliyyə yardımı vasitəsilə tənzimlənməsi
5. Premyer Liqada əvəzetmə sayı və legioner rüsumunun müzakirəsi
6. Futzal üzrə Azərbaycan milli komandasının baş məşqçisi vəzifəsinə təyinat
7. Digər məsələlər
Geri qayıt