Basketbol Liqası: NTD klubu “Gəncə”ni məğlub edib
10-05-2023, 18:00
Azərbaycan Basketbol Liqasının (ABL) pley-off mərhələsində “Gəncə” və NTD komandaları arasında yarımfinal seriyasının ikinci oyunu keçirilib.
BrendSport.az xəbər verir ki, Gəncə Olimpiya İdman Kompleksində keçirilın oyunun ilk dəqiqələrindən üstünlüyü ələ keçirən paytaxt klubu 105:76 hesablı qələbə qazanıb.
Bu qələbə ilə NTD yarımfinal seriyasında hesabı bərabərləşdirib. Qarşılaşmada ən məhsuldar basketbolçular – “Gəncə”dən Amil Həmzəyev (19 xal, 4 ribaund), NTD-dən isə Londel Kinq (27 xal, 13 ribaund) olublar.
Qeyd edək ki, digər cütlükdə “Sabah” “AAAF Xırdalan”a hər iki görüşdə qalib gələrək, finala yüksəlib.
Geri qayıt