Azərbaycan Kubokunda son 10 mövsümün azarkeş rekordu qırılıb
28-04-2023, 13:00
Azərbaycan Kubokunun yarımfinal mərhələsində son 10 mövsümün azarkeş rekordu qeydə alınıb.
BrendSport.az xəbər verir ki, yarımfinal oyunlarını ümumilikdə 12 600 tamaşaçı izləyib.
“Neftçi” və “Turan Tovuz”un hər iki matçında eyni sayda – 5000 seyrçi olub. “Səbail”lə “Qəbələ”nin duellərində də iki dəfə eyni rəqəm qeydə alınıb – 1300 izləyici.
Daha çox azarkeşə sonuncu dəfə 2012/2013 mövsümündə rast gəlinib. Həmin vaxt bu raundun dörd görüşündə 16 420 tamaşaçı olub. Bunun 10 000 nəfəri bir qarşılaşmaya - “Xəzər Lənkəran” – “Bakı” duelinə şahidlik edib.
2008-ci ildən PFL bayrağı altında keçirilən kubokun yarımfinalları üçün ən yüksək tamaşaçı sayı 2010/2011 mövsümünə məxsusdur. Həmin vaxt 4 qarşılaşmanı 21 400 seyrçi izləyib.
Qeyd edək ki, koronavirus pandemiyası üzündən 2019/2020 mövsümündə yarımfinal baş tutmayıb, 2020/2021 mövsümü tamaşaçısız keçirilib.
Son 15 mövsümün yarımfinalında tamaşaçı sayı:
2008/2009 - 4500
2009/2010 - 15400
2010/2011 - 21400
2011/2012 - 6000
2012/2013 - 16420
2013/2014 - 9000
2014/2015 - 7400
2015/2016 - 12316
2016/2017 - 9600
2017/2018 - 10900
2018/2019 - 5900
2019/2020 - -
2020/2021 - -
2021/2022 - 4700
2022/2023 - 12600
Geri qayıt