Azərbaycanın üç cüdoçusu Yay Olimpiya Festivalında qızıl medal qazanıb
23-07-2025, 08:00
Şimali Makedoniyanın paytaxtı Skopyedə XVIII Avropa Gənclər Yay Olimpiya Festivalı çərçivəsində cüdo yarışları start götürüb.
BrendSport.az xəbər verir ki, ilk yarış günündə üç çəki dərəcəsində Azərbaycanın 3 cüdoçusu tatami üzərinə çıxıb.
Gülşən Hüseynova (44 kiloqram), Rza Xəlilli (50 kiloqram) və Rəsul Əlizadə (55 kiloqram) bütün rəqiblərinə qalib gələrək qızıL medala layiq görülüblər.
Beləliklə, aktivində 3 qızıl medal olan yığmamız medalların əyarına görə ümumi komanda hesabında birinci pillədə qərarlaşıb.
Turnirin növbəti günlərində milli komandanın daha 9 (4 oğlan, 5 qız) cüdoçusu qüvvəsini sınayacaq.
Geri qayıt