Yığmalarımızın rəqibləri müəyyənləşib
24-11-2017, 17:15
Bu gün İsveçrənin Nyon şəhərində futbol üzrə 19 və 17 yaşadək qızlardan ibarət milli komandalar arasında “Avro-2018”in elit-raundunun, həmçinin 2019-cu ildə keçiriləcək Avropa çempionatının ilkin seçmə mərhələsinin püşkü atılıb.
Püşkə əsasən, U-19 millimiz “Avro-2018”in elit raundunda üçüncü qrupda Fransa, Belçika və Finlandiya yığmaları ilə birgə mübarizə aparacaq.
U-19 yığmamız “Avro-2019”un ilkin seçmə mərhələsində ikinci qrupda yarışacaq. Millimizin rəqibləri İsveçrə, Türkiyə və Kipr futbolçuları olacaq.
U-17 millimiz “Avro-2018”in elit raundunda yeddinci qrupda Almaniya, İrlandiya və İslandiya ilə üz-üzə gələcək.
“Avro-2019”un ilkin seçmə mərhələsinin beşinci qrupunda 17 yaşadək qızlardan ibarət millimiz İngiltərə, İslandiya və Moldova komandaları ilə qarşılaşacaq.
Geri qayıt