Qılıncoynadanlarımız İsveçrə Qran-Prisində güclərini sınayıblar
26-11-2018, 13:13
İsveçrənin Bern şəhərində qılıncoynatmanın şpaqa növü üzrə böyüklər arasında Qran-Pri yarışları keçirilib.
BrendSport.az xəbər verir ki, şpaqaçılarımız turnirdə 4 qılıncoynadanla təmsil olunub.
Təmsilçilərimiz həm fərdi, həm də komanda yarışında qüvvələrini sınayıblar. Kənan Əliyev qrup mərhələsində keçirdiyi 6 görüşdən 4-də qalib gəlib. Şpaqaçımız pley-offda isveçrəli Bryus Brunolda 12:15 hesabı ilə uduzub.
Qrupda keçirdiyi 6 görüşdən 1-də qalib gələn Barat Quliyev, Ruslan Həsənov və Xalid Əliyev isə mübarizəni erkən başa vurublar.
Komanda yarışında 1/16 finalda Fransa ilə qarşılaşan şpaqaçılarımız rəqibə 16:45 hesabı ilə uduzublar.
Geri qayıt