Ditmar Hamann Özilin müdafiəsinə qalxdı
21-06-2018, 20:49
Almaniya millisinin sabiq üzvü Ditmar Hamann Türkiyə prezidenti Rəcəb Tayyib Ərdoğanla görüşdən sonra tənqid atəşinə tutulan Məsut Özilin müdafiəsinə qalxıb.
"Bavariya", "Liverpul" və "Mançester Siti" kimi klubların şərəfini qorumuş veteran yarımmüdafiəçi "Kicker" nəşrinə açıqlamasında almanların türk əsilli futbolçunu rahat buraxmalarını istəyib:
"Özildən əlinizi çəkin. Dünya çempionatında komanda olaraq uöur qazanmaq istəyiriksə, Məsuta güvənməliyik. O, yığma üçün vacib oyunçulardan biri, hətta birincisidir. Hər şey yolunda gedəndə hamı xoşbəxt olur. Amma nəsə alınmayanda, Özili günahlandırırlar. O, 10 ildir eyni oyun tərzi ilə çıxış edir. Almaniya futboluna fayda verən mükəmməl bir oyunçudur".
Geri qayıt