Azərbaycan millisi Moldovada yoldaşlıq turnirində iştirak edəcək
20-05-2024, 15:00
19 yaşadək futbolçulardan ibarət Azərbaycan millisi iyunun 3-dən 11-dək Moldovanın Tiraspol şəhərində yoldaşlıq turnirində iştirak edəcək.
BrendSport.az xəbər verir ki, yığmanın rəqibləri Qazaxıstan, Türkiyə və Moldova kollektivləri olacaq. U-19 Qazaxıstan və Moldovadan olan həmyaşıdları ilə Tiraspolun “Şerif” stadionunda, Türkiyənin U-20 komandası ilə Benderin “Dinamo” stadionunda qarşılaşacaq.
Heyətin formalaşması məqsədilə mayın 22-23-də Milli Komandaların Təlim-Məşq Mərkəzində seleksiya xarakterli matçlar oynanılacaq. U-19 mayın 27-dən iyunun 2-dək Bakıda təlim-məşq toplanışı keçəcək.
Azərbaycan millisinin oyunlarının təqvimi:
4 iyun
20:30. Azərbaycan (U-19) - Qazaxıstan (U-19)
7 iyun
18:00. Azərbaycan (U-19) - Türkiyə (U-20)
10 iyun
20:30. Azərbaycan (U-19) - Moldovanın (U-19)
Geri qayıt