Azərbaycan millisi Macarıstanla səfərdə heç-heçə edib
5-04-2024, 21:54
Qadın futbolçulardan ibarət Azərbaycan millisi Avropa çempionatının seçmə mərhələsində ilk oyununu keçirib.
BrendSport.az xəbər verir ki, Siyasət Əsgərovun baş məşqçisi olduğu kollektiv səfərdə Macarıstanla üz-üzə gəlib.
B Liqasının I qrupunun matçında 1:1 hesablı heç-heçə qeydə alınıb. Əvvəlcə 44-cü dəqiqədə meydan sahibləri Henrietta Çizarın qolu ilə hesabı açıblar. Lakin qarşılaşmada son nöqtəni 74-cü dəqiqədə Sevinc Cəfərzadə qoyaraq, komandamıza 1 xal qazandırıb.
Qeyd edək ki, yığmamız II turda aprelin 9-da İsveçrəni qəbul edəcək.
Geri qayıt