Dünya çempionatı: Azərbaycanın minifutbol yığması Küveytlə qarşılaşacaq
31-10-2023, 12:38
Minifutbol üzrə Azərbaycan milli komandası Birləşmiş Ərəb Əmirliklərində təşkil olunan dünya çempionatında bu gün növbəti oyununu keçirəcək.
BrendSport.az xəbər verir ki, yığma G qrupundakı sonuncu matçında Küveyt seçməsi ilə qarşılaşacaq. Görüş Bakı vaxtı ilə saat 21:00-da başlayacaq.
Qrupdakı ilk iki oyunda İraq və Misir kollektivlərinə qalib gələn son Avropa çempionu maksimum nəticə (6 xal) ilə birinci pillədə qərarlaşıb. Küveyt isə 1 xalla üçüncü sırada yer alıb.
Qeyd edək ki, Azərbaycan millisi dünya çempionatında artıq 1/8 finala vəsiqəni təmin edib.
Geri qayıt