Bakıda keçiriləcək “Koreya səfiri kuboku”nda 150-dək taekvondoçu iştirak edəcək
12-10-2023, 11:53
Azərbaycan Taekvondo Federasiyasının (ATF) və Koreyanın ölkəmizdəki səfirliyinin təşkilatçılığı və dəstəyi ilə gənclər arasında “Koreya səfiri kuboku” keçiriləcək.
BrendSport.az xəbər verir ki, Fövqəladə Hallar Nazirliyinin İdman-Sağlamlıq Mərkəzində təşkil ediləcək yarışda 150-dək idmançı qüvvəsini sınayacaq.
2007-2009-cu il təvəllüdlü taekvondoçular 10 dəst medal uğrunda mübarizə aparacaqlar. Oğlanlar 48 kiloqram, 55 kiloqram, 63 kiloqram, 73 kiloqram, +73 kiloqram, qızlar isə 44 kiloqram, 49 kiloqram, 55 kiloqram, 63 kiloqram və +63 kiloqram çəki dərəcələrində qalibi müəyyənləşdirəcəklər.
Mükafatçılar ATF və Koreya səfirliyinin təsis etdiyi kubok, diplom, medallar və qiymətli hədiyyələrlə mükafatlandırılacaqlar.
Qeyd edək ki, “Koreya səfiri kuboku” oktyabrın 13-də baş tutacaq.
Geri qayıt