“Zirə” - “Radniçki” matçında hesab açılmayıb
17-01-2023, 18:30
Antalyada təlim-məşq toplanışını yekunlaşdıran Bakının “Zirə” klubu bu gün ikinci yoxlama oyununu keçirib.
BrendSport.az xəbər verir ki, Bakı təmsilçisinin ikinci matçda rəqibi Serbiya Super Liqa təmsilçisi “Radniçki" olub. Qarşılıqlı hücumlar şəraitində keçən oyunda hesab açılmayıb.
Günün ilk matçında “Zirə” Macarıstanın İkinci Liqasında mübarizə aparan “Szeged-Csanad” komandası ilə qarşılaşıb. Oyun rəqibin 3:1 hesablı qələbəsi ilə yekunlaşıb.
“Zirə” Antalyadakı ilk yoxlama görüşündə Rumıniyanın “Çindia” komandasına qalib gəlib - 3:2.
Antalya toplanışını tamamlayan Bakı klubu sabah Vətənə qayıdacaq.
Geri qayıt