“Zirə” - “Breqaniça” oyununda qalib müəyyənləşməyib
24-01-2022, 19:16
Mövsümün ikinci yarısının hazırlığını davam etdirən Bakının “Zirə” klubu Antalya toplanışında sonuncu yoxlama oyununa çıxıb.
BrendSport.az xəbər verir ki, Rəşad Sadıqovun yetirmələri hazırlıq prosesində üçüncü matçda “Breqaniça” ilə üz-üzə gəliblər. Şimali Makedoniya təmsilçisi ilə qarşılaşma 1:1 hesablı heç-heçə ilə yekunlaşıb. Bakı təmsilçisinin heyətində Davit Volkov fərqlənib.
Bunadək Antalyada iki oyuna çıxan “Zirə” Macarıstanın “Peç” (3:5) və Polşanın “Qurnik” (2:2) komandaları ilə görüşüb.
Qeyd edək ki, toplanışı bu görüşlə başa vuracaq “Zirə” sabah Bakıya qayıdacaq.
Geri qayıt