Gürcüstan - Azərbaycan oyununu fransalı baş hakim Sedrik Pelissier idarə edəcək
21-01-2022, 11:08
Futzal üzrə Avropa çempionatının final mərhələsi çərçivəsində yanvarın 22-də Niderlandın Qroningen şəhərindəki “Martini Plaza”da keçiriləcək Gürcüstan - Azərbaycan oyununa təyinatlar açıqlanıb.
BrendSport.az Azərbaycan Futzal Federasiyasına istinadla xəbər verir ki, matçın baş hakimi fransalı Sedrik Pelissier olacaq.
Qeyd edək ki, fevralın 6-dək Niderlandda keçiriləcək Avropa çempionatının final mərhələsində Azərbaycan millisi D qrupunda mübarizə aparacaq. Yığmamız yanvarın 22-də Gürcüstan, dörd gün sonra İspaniya, ayın 29-da isə Bosniya və Herseqovina ilə qarşılaşacaq.
Geri qayıt