UEFA "Qarabağ" futbolçusunun cəzasını elan edəcək
7-11-2017, 19:12
UEFA Çempionlar Liqasının IV turunda İspaniyada "Atletiko" ilə görüş zamanı qırmızı vərəqə alan "Qarabağ"ın futbolçusu Pedro Enrike ilə bağlı qərarını noyabrın 10-da açıqlayacaq.
Oktyabrın 31-də Madriddə keçirilmiş görüşün 59-cu dəqiqəsində meydan sahiblərinin müdafiəçisi Dieqo Qodinin sifətinə ayaqla zərbə endirdiyi üçün birbaşa qırmzı vərəqə alan braziliyalı yarımmüdafiəçinin cəzası ən azı bir oyun olacaq. Lakin UEFA Enrike ilə bağlı yekun qərarı İntizam Komitəsinin verəcəyini açıqlayıb.
Qeyd edək ki, 1:1 hesabı ilə yekunlaşan matçda meydan sahiblərinin futbolçusu Stefan Saviç də qırmızı vərəqə görüb. Lakin o, 88-ci dəqiqədə ikinci "sarı" ilə komandasını azlıqda qoyub.
Milli.Az
Geri qayıt