Çempionlar Liqası: “Sabah”ın ev oyunları üçün VIP paket biletlər satışa çıxarılıb
Bu gün, 19:28
“Sabah”ın UEFA Çempionlar Liqasının liqa mərhələsində keçirəcəyi 4 ev oyunu üçün VIP paket biletlər satışa çıxarılıb.
BrendSport.az xəbər verir ki, bilet sahibləri “Slaviya Praqa” (Çexiya), “Borussiya Dortmund” (Almaniya), “Barselona” (İspaniya) və “Napoli” (İtaliya) ilə qarşılaşmaları Bakı Olimpiya Stadionunun VIP sektorundan izləyə biləcəklər.
VIP sektorda qidalanma xidməti təqdim olunacaq, həmçinin qonaqlar üçün əyləncə proqramının təşkili və DJ ifasında musiqi səsləndirilməsi də nəzərdə tutulur. Bildirilib ki, bu imkanlar azarkeşlərə Çempionlar Liqası oyunlarının ab-havasını xüsusi şəraitdə yaşamaq imkanı verəcək.
VIP paket biletin qiyməti 1500 manatdır və 4 qarşılaşmanın hamısına şamil edilir.
Qeyd edək ki, VIP sektorda əyləncəli tədbirlər ancaq “Slaviya Praqa”, “Borussiya Dortmund” və “Barselona” ilə oyunları əhatə edəcək.
Geri qayıt