Mbappe “Qızıl top”un yenidən “Real Madrid”ə qayıtmasını istəyir
Bu gün, 19:44
Fransalı hücumçu Kilian Mbappe “Qızıl top” mükafatının yenidən “Real Madrid”ə qayıtmasını istədiyini bildirib.
BrendSport.az xəbər verir ki, 27 yaşlı futbolçu 2025/2026-cı illər mövsümünün yekunlarına əsasən, mükafata namizədlər siyahısına daxil edilib.
“Məncə, bu, mükafatı qazanmaq üçün yaxşı ildir. Nə deməyimdən asılı olmayaraq, ən vacib məsələ “Qızıl top”un “Real Madrid”ə qayıtmasıdır. O, “Santyaqo Bernabeu”ya, madridlilərə, bütün bu insanlara ümid vermək üçün geri qayıtmalıdır. Onlar buna hamıdan çox layiqdirlər”, – deyə Mbappe bildirib.
Qeyd edək ki, Kilian Mbappenin “Qızıl top” uğrunda səsvermədə ən yaxşı nəticəsi 2023-cü ildə üçüncü yer olub. O, daha əvvəl karyerasını “Qızıl top” və UEFA Çempionlar Liqası qələbəsi olmadan başa vura biləcəyini də istisna etməyib.
Geri qayıt