Əsas Səhifə > Maraq > "Neftçi" UEFA Çempionlar Liqasında ilk oyununu keçirəcək
"Neftçi" UEFA Çempionlar Liqasında ilk oyununu keçirəcək30-07-2025, 11:14 |
![]() "Neftçi"nin qadınlardan ibarət komandası bu gün UEFA Çempionlar Liqasının I təsnifat mərhələsinin IV qrupunda ilk oyununu keçirəcək. BrendSport.az xəbər verir ki, Siyasət Əsgərovun baş məşqçisi olduğu kollektiv Türkiyənin "Fomget" klubu ilə üz-üzə gələcək. Qarşılaşma Albaniyanın paytaxtı Tiranada keçiriləcək. Bakı vaxtı ilə saat 20:00-da start götürəcək matçı isveçli Hanna Layanen idarə edəcək. UEFA Çempionlar Liqası I təsnifat mərhələsi, IV qrup 20:00. "Fomget" (Türkiyə) - "Neftçi" Baş hakim: Hanna Layanen (İsveç). Tirana. "House of Football Natural Pitch" stadionu Qeyd edək ki, UEFA Çempionlar Liqasının I təsnifat mərhələsi yarımfinal və final matçlarından ibarət olacaq. "Neftçi" qələbə qazanacağı təqdirdə, finalda İsrail təmsilçisi "Kiryat"la üz-üzə gələcək. Bu görüşdə üstün olacaq tərəf II təsnifat mərhələsinə adlayacaq. Geri qayıt |