Azərbaycan millisi çövkən üzrə dünya çempionatının finalına yüksəlib
14-06-2024, 19:18
Bakıda keçirilən çövkən üzrə dünya çempionatında qrup mərhələsinə yekun vurulub.
BrendSport.az xəbər verir ki, A qrupundakı son oyununda Özbəkistan yığması ilə qarşılaşan Azərbaycan millisi rəqibini 7 cavabsız qolla məğlub edib. Komandamız bu nəticə ilə qrupu lider kimi başa vurub və finala vəsiqə qazanıb.
Azərbaycan millisi həlledici görüşdə Mərakeş seçməsi ilə üz-üzə gələcək.
Üçüncü yer uğrunda matçda isə Özbəkistan və Nigeriya kollektivləri münasibətlərinə aydınlıq gətirəcəklər.
Qeyd edək ki, hər iki qarşılaşma iyunun 16-da olacaq.
Geri qayıt