“Altınordu”nun modelini Azərbaycanda da tətbiq edəcəyik"
31-08-2017, 10:46
Azərbaycanın futbol üzrə U-15 və U-16 yığmalarının baş məşqçisi Vüqar Məmməd Türkiyənin “Altınordu” klubunun Metin Oktay peşə məktəbini ziyarət edib.
"Yeniasir.com.tr" saytının verdiyi məlumata görə, səfərdə məqsəd Türkiyə çempionatının I divizionunda yalnız öz yetirmələri ilə çıxış edən “Altınordu”nun iş sistemi ilə tanışlıq olub.
Küveytin “Əl Arabi” klubunun akademiyasının direktoru Halit Algabani ilə birlikdə “Altınordu”nu ziyarət edən V.Məmməd təəssüratlarını da bölüşüb: “Trabzonspor” ve “Beşiktaş”ı da izlədik. Ancaq “Altınordu”nun sistemi çox fərqli və mükəmməldir. “Altınordu”nun modelini Azərbaycanda da tətbiq edəcəyik”.
Qeyd edək ki, Vüqar Məmməd bu ilin martında AFFA İcraiyyə Komitəsinin qərarı ilə U-15 və U-16 yığmalarının baş məşqçisi təyin edilib. (“Report”)
Geri qayıt