Hidayət Heydərov 300 min avroluq yarışda
13-12-2023, 15:00
Dekabrın 16-da Kosovonun Priştina şəhərində cüdo üzrə keçiriləcək Avropa açıq çempionatının mükafat fondu açıqlanıb.
BrendSport.az xəbər verir ki, Avropa Cüdo İttifaqının saytına istinadən xəbər verir ki, yarış iştirakçıları ümumilikdə 300 min avro qazanc əldə edə biləcəklər.
Kişilərin 73 kq, qadınların 52 kq çəki dərəcələrində hər iki qızıl medalçı 55 min avro ilə mükafatlandırılacaq. Finalçılara 35 min, 5-ci yeri tutan cüdoçulara isə 10 min avro veriləcək.
Çempionatda Azərbaycan millisinin cüdoçusu Hidayət Heydərov (73 kq) da gücünü sınayacaq. O, çəki dərəcəsində dünya reytinq cədvəlinə başçılıq edir.
Qeyd edək ki, turnir bir çox cəhətlərinə görə fərqlənir. Kosovo Cüdo Federasiyasının prezidenti Aqron Kuki yüksək mükafat fondu olan yarışın ilk dəfə yeni formatda keçiriləcəyini bildirib.
Geri qayıt