Çağırış Kuboku: Şuşa komandasının “Panatinaikos”la oyunlarının vaxtı bəlli olub
1-11-2023, 15:00
“Xarı Bülbül Şuşa” klubunun Çağırış Kubokundakı növbəti oyunlarının təqvimi bəlli olub.
BrendSport.az xəbər verir ki, ilk turda Slovakiyanın “TJ Spartak MYJAVA” klubunu üstələyərək 1/16 finala yüksələn Şuşa təmsilçisi bu mərhələdə Yunanıstanın “Panatinaikos” komandası ilə qarşılaşacaq.
Cütün ilk matçı noyabrın 21-də Gənclər və İdman Nazirliyinin Voleybol Mərkəzində keçiriləcək. Görüş saat 19:00-da start götürəcək.
Komandalar arasında ikinci oyun isə noyabrın 29-da olacaq. “Xarı Bülbül Şuşa” səfərdəki cavab matçına Bakı vaxtı ilə saat 20:00-də çıxacaq.
Geri qayıt