Taekvondo hakimləri üçün seminar başladı
19-02-2018, 18:50
Azərbaycan Taekvondo Federasiyasında (ATF) hakimlər üçün təşkil edilən seminara start verilib.
BrendSport.az saytı Azərbaycan Taekvondo Federasiyasına istinadən xəbər verir ki, 21-25 fevral tarixlərində böyüklər və gənclər arasında keçiriləcək olan respublika çempionatı və birinciliyi öncəsi baş tutan seminarda ATF-da qeydiyyatda olan hakimlər iştirak edir. Sabah da davam edəcək seminara qatılan hakimlər arasında fərqlənən 21 hakim çempionat və birinciliyində döyüşləri idarə edəcək.
Azərbaycan Taekvoindo federasiyasının vitse-prezidentləri Nağı Səfərov, Niyaməddin Paşayev, baş katib Həmdiyyə Məmmədov, baş hakim, beynəlxalq dərəcəli hakim Elşən Quliyev və texniki direktor Oh Kvanq Çeol seminara qatılan hakimləri salamlayıb. Yarışlarda ədalətli olmağı, nizam-intizama hər zaman olduğu kimi riayət olumasını xahiş edərək uğurlar arzuladılar...
Alxas Məmmədov
Geri qayıt