Messi MLS-də ilk oyununa çıxıb
27-08-2023, 10:00
ABŞ-ın “İnter Mayami” klubunun kapitanı Lionel Messinin MLS-də debüt edib.
BrendSport.az xəbər verir ki, futbolçu "Nyu-York Red Bulls" ilə səfər oyununun 60-cı dəqiqəsində meydana çıxıb.
Qarşılaşma qonaqların qələbəsi ilə yekunlaşıb - 2:0. Argentinalı 89-cu dəqiqədə komandasının ikinci qolunun müəllifi olub.
Messi "İnter Mayami"də 8 oyunda 10 qol vurub və 3 məhsuldar ötürmə edib. Avqustun 20-də argentinalı ilk dəfə Amerika kubokunu qazanıb. “İnter Mayami” turnirin həlledici oyununda “Neşvill”i penaltilər seriyasında məğlub edərək (10:9) Liqa Kubokunun sahibi olub.
“İnter Mayami” ABŞ Açıq Kubokunun finalında “Hyuston”la da oynayacaq.
Messi 7 qat "Qızıl top"un qalibi, Argentina millisinin heyətində dünya çempionu, 10 qat İspaniya çempionu, 2 qat Fransa çempionu, 4 dəfə Çempionlar Liqasının qalibidir.
Geri qayıt