"Real Madrid" daha bir futbolçusu ilə müqavilənin müddətini uzadıb
22-06-2023, 14:10
İspaniyanın "Real Madrid" klubu futbolçusu Naço Fernandeslə müqavilənin müddətini uzadıb.
BrendSport.az xəbər verir ki, 33 yaşlı müdafiəçinin yeni sözləşməsi 2024-cü ilin yayında başa çatacaq.
Qeyd edək ki, "Real Madrid"in yetirməsi olan Naço Fernandes 2011-ci ildən əsas komandadadır. O, bu müddət ərzində 5 dəfə UEFA Çempionlar Liqasının, 4 dəfə UEFA Super Kubokunun, 3 dəfə La Liqanın, 5 dəfə klublararası dünya çempionatının, 2 dəfə İspaniya Kubokunun, 4 dəfə İspaniya Super Kubokunun qalibi olub.
"Kral klubu" daha əvvəl Toni Kroosun müqaviləsinin müddətini artırıb.
Geri qayıt