Afrikada futbol zamanı faciə: 1 ölü, 37 yaralı
9-09-2018, 18:14
Afrika Millətlər Kubokunun seçmə mərhələsi çərçivəsində keçirilən Madaqaskar – Seneqal matçından öncə faciə yaşanıb.
“Antananarivo” stadionunda təşkil olunan matça həddən artıq çox azarkeşin gəlməsi iğtişaşlara səbəb olub. Belə ki, arenaya buraxılmayan çoxlu tərəfdar matçı izləmək üçün təhlükəsizlik əməkdaşları ilə əlbəyaxaya çıxıb.
Azarkeşlərin öz arasında da böyük izdiham yaşandığından, olaylar nəticəsində azı 1 nəfərin öldüyü, 37 nəfərin xəsarət aldığı bildirilir. Fransa mətbuatının yazdığına görə, yaralılardan da bəzisinin vəziyyəti ağırdı.
Qeyd edək ki, Madaqaskar - Seneqal matçı 2:2 hesabıyla başa çatıb.
Geri qayıt