"Beşiktaş"ın prezidentindən azarkeşlərə sərt sözlər
29-08-2018, 11:19
"Beşiktaş"ın prezidenti Fikrət Orman azarkeşlərdən şikayətlənib.
Türkiyə mətbuatının yaydığı xəbərə görə, o, ölkə çempionatında öz meydanlarında "Antalyaspor"la matçda uduzduqları üçün tənqid olunmalarına münasibət bildirərkən deyib:
"Hər kəs öz işini görəcək. Başlar ayaq, ayaqlar baş olmayacaq. Azarkeş azarkeşliyini, oyunçu oyunçuluğunu, prezidenti prezidentliyini edəcək. "Antalyaspor"la matçda çox təəssüfləndim. Mənim oyunçum fitə basıldı. Tvitlərə baxmıram, 13 yaşında uşağın əlinə telefon verirlər. Atasından xərclik alır, milyonluq transferlərə münasibət bildirir. Votsapda qrup yaradıb, məni ora əlavə edirlər. Məgər mən sizin sinif yoldaşınızam ? Sizlərlə birgə əsgərlikdə olmuşam? Bunu təkrar azarkeşlərə bildirmək istəyirəm. Bizim mədəniyyətimizdə bu yoxdur. Formalar bizim namusumuzdur. "Beşiktaş"ın oyunçuları gözümüzün nurudur. Azarkeşlərə səslənirəm, bir daha belə etməsinlər".
Geri qayıt