Ronaldinyo Neymarın “Barselona”ya qayıtmasını istəyir
2-09-2018, 18:58
Braziliya millisi və “Barselona”nın sabiq yarımmüdafiəçisi Ronaldinyo Neymarın PSJ-dəki çıxışı haqda danışıb.
“Mundo Deportivo” nəşrinin yaydığı xəbərə görə, veteran futbolçu həmyerlisinin hazırda dünyanın ən yaxşı oyunçularından biri olduğunu bildirib:
“Hazırkı məqamda görürəm ki, Neymar əvvəlki kimi dünyanın ən yaxşı futbolçularından biridir. Onu PSJ-də xoşbəxt görmək xoşuma gəlir. Amma əlbəttə ki, “Barselona”ya qayıtsa, şad olardım. Mümkündürmü? Futbolda hər şey mümkündür”.
Qeyd edək ki, Neymar 2017-ci ilin yayında 222 milyon avro qarşılığında “Barselona”nı PSJ-yə dəyişib.
Geri qayıt