Emre Can "Yuventus"a transfer olunur
8-04-2018, 14:02
"Yuventus" növbəti transferini həyata keçirməyə yaxındı.
Turinlilər "Liverpul"un futbolçusu Emre Canı heyətinə qatır. Bu barədə klubun İdarə Heyətinin rəhbəri Beppe Marotta açıqlama verib.
O qış fasiləsində ala bilmədikləri futbolçunun keçidinin tezliklə baş tutacağını söyləyib: "Emre Can məsələsi yaxın 10 gün ərzində öz həllini tapacaq. Əlbəttə, qarşısındakı fürsətləri dəyərləndirəcək. Ondan cavab gözləyirik".
"Liverpul" Almaniya milisinin türk əsilli ulduzunu 2014-cü ildə "Bavariya"dan 12 milyon avroya alıb. Hazırda "Transfermarkt"ın 28 milyon avro qiymət qoyduğu 24 yaşlı yarımmüdafiəçi cari mövsümdə meydana çıxdığı 37 rəsmi matçda 6 qol vurub və 5 məhsuldar ötürmə edib.
Geri qayıt