Tanınmış futbolçu AÇ-2020-də oynamaqdan imtina etdi
13-05-2021, 13:10
“Liverpul”un və Niderland milli komandasının futbolçusu Vircil van Dayk AÇ-2020-ni buraxacaq.
BrendSport.az xəbər verir ki, bu barədə niderlandlı müdafiəçi “Liverpul”un mətbuat xidmətinə açıqlamasında deyib.
O, zədədən sonrakı bərpa müddətinin son mərhələsində olduğunu bildirib. Dayk, bərpa müddətini tamamlamaq üçün AÇ-2020-də oynamaqdan imtina edib.
AÇ-2020 bu il iyunun 11-dən iyulun 11-dək keçirilməlidir. Niderland yığması turnirin qrup mərhələsində Ukrayna, Şimali Makedoniya və Avstriya ilə qarşılaşacaq.
AÇ-2020-yə ev sahibliyi edəcək şəhərlər arasında Bakı da var.
Təqvimə əsasən, Bakı Olimpiya Stadionu A qrupunun İsveçrə – Uels, Türkiyə – Uels və Türkiyə – İsveçrə qarşılaşmalarına, eləcə də 1/4 final mərhələsinin bir oyununa ev sahibliyi edəcək.
Geri qayıt