UEFA-nın ayırdığı vəsait “Qarabağ”ın hesabına köçürülüb
2-11-2020, 21:35
UEFA Ağdamın “Qarabağ” futbol klubu üçün Avropa Liqasının qrup mərhələsində iştiraka və son 10 il ərzində göstərdiyi nəticələr ilə əlaqədar maliyyə vəsaiti ayırıb.
BrendSport.az xəbər verir ki, vəsait AFFA-nın vasitəçiliyi ilə Ağdam təmsilçisinin hesabına köçürülüb.
UEFA Azərbaycan çempionuna Avropa Liqasının qrup mərhələsində iştiraka görə 2 milyon 750 min, 10 illik nəticələrə əsasən isə 1 milyon 214 min 310 avro vəsait ödəyib.
Qeyd edək ki, “Qarabağ” Avropa Liqasının “I” qrupunda mübarizə aparır. Ağdam klubu ilk matçında Təl-Əvivdə İsrailin “Makkabi” komandasına 0:1 hesabı ilə uduzub. Qurban Qurbanovun baş məşqçi olduğu komanda ikinci turda İstanbulda İspaniya “Vilyarreal”ına məğlub olub - 1:3
Geri qayıt