“Bavariya” Bundesliqada yeni rekorda imza atıb
1-06-2020, 13:15
Almaniya Bundesliqasının 29-cu turunda “Fortuna” üzərində qələbə qazanmaq (5:0) “Bavariya” üçün əlamətdar olub.
BrendSport.az xəbər verir ki, Münxen klubu cari mövsümdə vurduğu qolların sayını 86-ya çatdırıb. Bu, Almaniya çempionatları tarixində yeni rekorddur. İndiyədək heç bir klub 29 turadək bu qədər qola imza atmayıb.
Almaniya çempionatları tarixində ən yaxşı nəticə isə 1973-1974 mövsümündə məhz “Bavariya”ya məxsus olub. Münxen təmsilçisi həmin mövsümdə 29 oyuna 84 dəfə rəqib qapılarına yol tapıb.
Geri qayıt