Türkiyə Superliqası: “Ərzurumspor” “Akhisar Bələdiyyəspor”u minimal hesabla məğlub edib
16-04-2019, 10:04
Futbol üzrə Türkiyə Superliqasının XXVIII turunda “Akhisar Bələdiyyəspor” səfərdə “Ərzurumspor”un qonağı olub.
BrendSport.az xəbər verir ki, “Kazım Qarabəkir” stadionunda baş tutan görüş hər iki tərəfin qarşılıqlı hücumları ilə yadda qalıb. Görüşün 60-cı dəqiqəsində “Akhisar Bələdiyyəspor”un hücumçusu Elvis Manu hesabı açıb. Lakin meydan sahibləri 73-cü dəqiqədə İbrahim Akdağın vurduğu qol sayəsində hesabı bərabərləşdiriblər. Ərzurum təmsilçisi 77-ci dəqiqədə Giles Sununun vurduğu qolla hesabda önə keçib. Bu qol oyunda vurulan son qol olub. Beləliklə “Ərzurumspor” doğma meydanda “Akhisar Bələdiyyəspor”u 2:1 hesab ilə məğlub edib.
© Materiallardan istifadə edərkən hiperlinklə istinad olunmalıdır
Geri qayıt