"Qalatasaray"dan ilk oyunda inamlı qələbə
19-09-2018, 10:12
Çempionlar Liqasında qrup mərhələsinə start verilib. Ötən axşam 4 qrupda 8 oyun keçirilib.
Türkiyənin yeganə təmsilçisi "Qalatasaray" doğma "Türk Telekom" stadionunda Rusiya çempionu "Lokomotiv"i darmadağın edib - 3:0. Hesabı 9-cu dəqiqədə Hari Rodriges açıb. 67-ci dəqiqədə Eren Derdiyok fərqi artırıb. Oyunda son nöqtəni isə 90+3-cü dəqiqədə penaltidən Selçuk İnan qoyub.
D qrupunun digər oyununda "Şalke" Almaniyada Portuqaliya "Portu"su ilə 1:1 hesablı heç-heçə edib. Bu nəticələrdən sonra "Qalatasaray" 3 xalla vahid lider olub.
Günün mərkəzi qarşılaşması C qrupuna təsadüf edib. İngiltərədə "Liverpul" Fransa PSJ-si ilə görüşdə son dəqiqə qolu ilə qələbə qazanıb - 3:2. Qrupun digər görüşündə "Srvena Zvezda" Serbiyada İtaliya "Napoli"si ilə qolsuz heç-heçə edib.
A qrupunda Avropa Liqasının son qalibi İspaniya "Atletiko"su səfərdə "Monako"nu 2:1, Almaniyanın "Borussiya" (Dortmund) komandası isə Belçikada "Brügge"ni 1:0 hesabı ilə yenməyi bacarıb.
Daha əvvəl B qrupunda "Barselona" İspaniyada Hollandiya PSV-sini 4:0, "İnter" İtaliyada İngiltərə "Tottenhem"ini 2:1 hesabı ilə məğlub edib.
Çempionlar Liqası
Qrup mərhələsi
I tur, 18 sentyabr
A qrupu
"Monako" (Fransa) - "Atletiko" (Madrid, İspaniya) 1:2
Qollar: Samüel Qransir, 18 - Dieqo Kosta, 32. Xose Ximenes, 45+1.
"Brügge" (Belçika) - "Borussiya" (Dortmund, Almaniya) 0:1
Qol: Kristian Pulişiç, 85.
B qrupu
"İnter" (İtaliya) - "Tottenhem" (İngiltərə) 2:1
Qollar: Mauro İkardi, 86. Matias Vesino, 90+2 - Kristian Eriksen, 53.
"Barselona" (İspaniya) - PSV (Eyndhoven, Hollandiya) 4:0
Qollar: Lionel Messi, 32; 77; 87. Usman Dembele, 75.
C qrupu
"Srvena Zvezda" (Serbiya) - "Napoli" (İtaliya) 0:0
"Liverpul" (İngiltərə) - PSJ (Fransa) 3:2
Qollar: Daniel Starric, 30. Ceyms Milner 36 (pen). Roberto Firmino, 90+2 - Tomas Mönyö, 40. Kilian Mbappe, 83.
D qrupu
"Şalke" (Almaniya) - "Portu" (Portuqaliya) 1:1
Qollar: Bril Embolo, 64 - Otavio, 75 (pen).
"Qalatasaray" (Türkiyə) - "Lokomotiv" (Moskva, Rusiya) 3:0
Qollar: Qarri Rodriges, 9. Eren Derdiyok, 67. Selçuk İnan, 90+4 (pen).
Bu gün isə Çempionlar Liqasında qrup mərhələsində ilk tura yekun vurulacaq.
19 sentyabr
E qrupu
20:55.“Ayaks” (Hollandiya) – AEK (Kipr)
23:00.”Benfika” (Portuqaliya) – “Bavariya” (Almaniya)
F qrupu
20:55. "Şaxtyor" (Donetsk, Ukrayna) – “Hoffenhaym” (Almaniya)
23:00.”Mançester Siti” (İngiltərə) – “Lion” (Fransa)
G qrupu
23:00.”Real" (İspaniya) - "Roma" (İtaliya)
23:00."Viktoriya" (Çexiya) - SSKA (Rusiya)
H qrupu
23:00. "Valensiya" (İspaniya) - "Yuventus" (İtaliya)
23:00. "Yanq Boyz" (İsveçrə) - "Mançester Yunayted" (İngiltərə)
Geri qayıt