Amerika Kuboku: ABŞ millisi qrupda qalıb, Panama növbəti mərhələyə yüksəlib
2-07-2024, 10:44
ABŞ-ın ev sahibliyi etdiyi Amerika Kubokunda (Copa Amerika) qrup mərhələsinin III turunun növbəti oyunları keçirilib.
BrendSport.az xəbər verir ki, C qrupunda daha əvvəl 1/ 4 finala vəsiqəni təmin etmiş Uruqvay ABŞ-la qarşılaşıb. Görüş uruqvaylıların 1:0 hesablı qələbəsi ilə yekunlaşıb.
Digər matçda isə Panama seçməsi Boliviyanı məğlub edib – 3:1.
Bununla Uruqvaydan sonra Panama yığması da adını 1/4 finala yazdırıb.
Qeyd edək ki, daha əvvəl Argentina, Venesuela, Ekvador, Braziliya və Kolumbiya yığmaları növbəti mərhələyə vəsiqəni təmin edib. Amerika Kubokuna iyulun 14-də yekun vurulacaq.
Geri qayıt