AVRO-2024-ə vəsiqə qazanacaq sonuncu komandalar müəyyənləşəcək
26-03-2024, 13:00
Almaniyada keçiriləcək futbol üzrə Avropa çempionatının final mərhələsinin son üç iştirakçısı bu gün bəlli olacaq.
BrendSport.az xəbər verir ki, pley-offun finalında Gürcüstan - Yunanıstan, Ukrayna - İslandiya və Polşa - Uels oyunları baş tutacaq.
Qələbə qazanan yığmalar AVRO-2024-ün final mərhələsinə vəsiqə qazanacaqlar.
26 mart
AVRO-2024
Pley-off mərhələsi
Final oyunları
21:00. Gürcüstan - Yunanıstan
23:45. Ukrayna - İslandiya
23:45. Polşa - Uels
Gürcüstan - Yunanıstan cütünün qalibi F qrupunda Portuqaliya, Türkiyə, Çexiya yığmalarına rəqib olacaq. Ukrayna - İslandiya duelinin güclüsü E qrupunda Belçika, Rumıniya, Slovakiya ilə üz-üzə gələcək. Polşa - Uels matçında sevinən tərəf isə D qrupunda Fransa, Avstriya və Niderlandla qarşılaşacaq.
Qeyd edək ki, Avropa çempionatı 14 iyun - 14 iyul aralığında Almaniyanın 10 şəhərində təşkil olunacaq.
Geri qayıt