Çempionlar Liqası: “Bavariya” klubu minimal hesabla məğlub olub, PSJ isə qalib gəlib
15-02-2024, 08:00
Çempionlar Liqasının 1/8 final mərhələsinin ilk oyununda İtaliya təmsilçisi “Latsio” Almaniyanın “Bavariya” klubu ilə qarşılaşıb.
BrendSport.az xəbər verir ki, İtaliyada reallaşan görüşdə “Latsio” 1:0 hesabı ilə rəqibinə qalib gəlib.
Oyunda yeganə qolu 69-cu dəqiqədə Çiro İmmobile penaltidən vurub.
Günün digər oyununda Fransanın PSJ klubu İspaniyanın “Real Sosyedad”ına 2:0 hesabı ilə qalib gəlib. Görüş Parisin "Park des Princes" stadionunda baş tutub. Qolları Kilian Mbappe (58-ci dəqiqə) və Bredli Barkola (71-ci dəqiqə) vurub.
Cavab qarşılaşmaları martın 5-də müvafiq olaraq Münxen və San-Sebastyan şəhərlərində baş tutacaq.
Geri qayıt