İngiltərə Premyer Liqası: “Mançester Yunayted” Liverpul təmsilçisini darmadağın edib
26-11-2023, 23:30
İngiltərə Premyer Liqasının 13-cü turu çərçivəsində Liverpu təmsilçisi “Everton” “Mançester Yunayted”i qəbul edib.
BrendSport.az xəbər verir ki, matçı Con Bruksun rəhbərlik etdiyi hakimlər briqadası idarə edib.
“Qudison Park”da baş tutan oyunun qalibi qonaqlar olub. Hesab üçüncü dəqiqədə açılıb. “Qırmızı şeytanlar”ın yarımmüdafiəçisi Alexandro Qarnaço eynilə Ueyn Runinin 2011-ci ildə “Mançester Siti”yə vurduğu baxımlı qol kimi “qayçı” zərbəsindən fərqlənib. Matçda növbəti qolu 56-cı dəqiqədə Markus Reşford penaltidən vurub. 75-ci dəqiqədə isə Antoni Marsyal qonaqların üçüncü qolunu vuraraq yekun hesabı müəyyənləşdirib – 3:0.
Qeyd edək ki, 13 oyundan sonra “Everton”un hesabında cəmi 4 xal var. Mersisayd təmsilçisi 19-cu pillədə qərarlaşıb. “Mançester Yunayted” isə 24 xalla altıncıdır.
Geri qayıt