İngiltərə Premyer Liqası: “Totenhem” ardıcıl ikinci dəfə uduzub, “Mançester Yunayted”dən növbəti qələbə
12-11-2023, 10:00
Noyabrın 11-də futbol üzrə İngiltərə Premyer Liqasında 12-ci turun növbəti oyunları keçirilib.
BrendSport.az xəbər verir ki, “Totenhem” mövsümdə ardıcıl ikinci dəfə məğlub olub. Ötən həftə öz meydanında “Çelsi”yə böyük hesabla (1:4) uduzan Anj Postecoğlunun yetirmələri bu dəfə səfərdə “Vulverhempton”a boyun əyiblər – 1:2.
“Arsenal” öz meydanında “Börnli”dən üstün olub – 3:1. “Mançester Yunayted” isə “Luton”u minimal hesabla məğlubiyyətə uğradıb – 1:0.
Günün digər oyunlarında “Bornmut” “Nyukasl”a 2:0, “Everton” isə “Kristal Pelas”a 3:2 hesabları ilə qalib gəlib.
Geri qayıt