Mbappe gedir, Yovetiç gəlir
28-08-2017, 23:01
“İnter”in hücumçusu Stevan Yovetiç karyerasını “Monako”da davam etdirəcək.
Bu barədə məlumatı “Get French Football” saytı yayıb. Belə ki, saytın “tvitter” səhifəsi monteneqrolu futbolçunun “Monako” formasında fotolarını yayıb. Maraqlıdı ki, şəkildə Yovetiç son vaxtlar “knyazlıq klubu”ndan ayrılacağı deyilən Kilian Mbappenin 10 nömrəli futbolkasını geyinib.
Bir müddət öncə Mbappenin PSJ-yə keçəcəyi barədə xəbərlər yayılıb.
Transfer barədə başqa heç bir məlumat verilməyib.
Xatırladaq ki, Yovetiç ötən mövsümdə icarə əsasında “Sevilya”nın şərəfini qoruyub.
Geri qayıt