Azərbaycanda oynayan futbolçular eyni klubda məşqçi oldular
8-01-2018, 09:43
"Neftçi" və "Bakı" klublarının sabiq futbolçusu Vadim Borets Moldova "Spikul"unun məşqçilər heyətinə daxil olub.
42 yaşlı mütəxəssis vaxtilə Azərbaycanda çıxış etmiş Denis Kalinkov, Aleksey Savinov və qapıçılarla iş üzrə məşqçi Aleksandr Kirilovla birgə çalışacaq. Sənəd üzərində baş məşqçi postunu məhz Borets tutacaq.
Mövsümün yekunlarına əsasən, "Spikul" Moldovanın Milli Diviziyasını tərk edib. Lakin klub rəsmən bəyan edib ki, "Viktoriya" elitaya vəsiqədən imtina etsə, onu əvəzləməyə hazırdır.
Qeyd edək ki, Vadim Borets 2005 - 2008-ci illərdə "Neftçi"də, 2008 - 2012-ci illərdə "Bakı"da yarımmüdafiəçi mövqeyində çıxış edib. Borets paytaxtın eyniadlı təmsilçisində forma geyindiyi vaxt müdafiəçi Aleksey Savinov onun komanda yoldaşı olub. Sabiq hücumçu Denis Kalinkov isə 2009-2010 mövsümündə "Xəzər Lənkəran" formasını geyinib.
Geri qayıt