Türkiyə klubu argentinalı futbolçu ilə heyətini gücləndirib
19-01-2022, 19:11
Türkiyənin “Göztəpə” klubu heyətini yeni futbolçu ilə gücləndirib.
BrendSport.az xəbər verir ki, Super Liqa təmsilçisi Argentinanın “San Lorenso” klubundan Franko Di Santonu heyətinə qatıb.
Bu barədə klubun mətbuat xidməti məlumat yayıb. Futbolçu ilə 1,5 illik müqavilə imzalanıb.
Otuz iki yaşlı hücumçu karyerası ərzində İngiltərədə “Çelsi”, “Blekbern”, “Uiqan”, İspaniyada “Rayo Valyekano”, Almaniyada “Şalke” və “Verder”də çıxış edib. O, Argentina yığmasında 3 oyun keçirib.
Geri qayıt