Sabirabad Gənclər İdman İdarəsinin əməkdaşı özünü öldürüb
8-09-2020, 00:41
Sabirabad Gənclər İdman İdarəsinin əməkdaşı Rauf Əsədov özünü yaşadığı mənzildə asaraq öldürüb.
BrendSport.az saytının Gənclər şöbəsi “MediaPost”a istinadən xəbər verir ki, o, intihar etməzdən öncə sosial media hesabında status paylaşıb:
"Statusda qeyd edib ki, ağlatdığın bir qadının göz yaşlarını ya o an silərsən, ya da o göz yaşlarında boğulmamaq üçün ömür boyu çırpınmaq məcburiyyətində qalarsan!
“Elə bilməyin asandır bir anda hər şeydən imtina edib getmək ?! Yox, çox çətindir! Çox! Heç kim sənin nələr yaşadığını bilməz. Heç kim sənin nə dərdin olduğunu bilməz. Heç kim sənin içindən nələr çəkdiyini bilməz! Heç kim sənin nələr ilə mübarizə apardığını bilməz. Hətta heç kim sənin necə bir insan olduğunu belə bilməz. Amma hər kəs səni tanımadan sənin haqqında artıq-əksik danışmağı çox yaxşı bilər... Həyatda bağışla deyəcəyim iki insan var - həyat yoldaşım və oğlum! Bağışlayın, məni Sizə layiq ola bilmədim! Həyat yoldaşım hər zaman başımı uca etdi, bu hamı üçün pis səslənə bilər, amma mən sənin kimi namuslu, sevgi dolu qadın görmədim! Sənin ayaq tozuna layiq olmayanlara dəyişdim səni bağışla məni! Üzülmə, dik dur! Romana görə dik dur! Bütün dostlarıma, bir azdan əlvida deyəcəyim həyatda məni tanıyan hər kəsə məni əsla qınamayın və pis olmayın deyirəm!
Sən mənim həyatımsan oğlum! Olduğun yer nəfəsdir mən sən qolum-qanadımsan oğlum! Varlığın belə, yaşamağa bəsdir mənə... Bu sözləri hər gün deyəcək qədər həyat dolu biriydim mən! Heyif, heç bir şey göründüyü kimi deyil...
Əlvida!"
BrendSport.az saytının Gənclər şöbəsi xəbər verir ki, Sabirabad sakini olan, 1989-cu il təvəllüdlü Rauf Əsədov mənzilində özünü asaraq intihar edib.
Hadisə yerinə prokurorluq əməkdaşları baxış keçirib, müvafiq ekspertizalar təyin olunub. Faktla bağlı araşdırma aparılır. R. Əsədov Sabirabad Gənclər İdman İdarəsinin əməkdaşı olub. O, hadisədən 1 həftə əvvəl işdən çıxıb.
Geri qayıt