BOK-un İcraiyyə Komitəsi ağır atletikanı 2028-ci il Olimpiadasının proqramına daxil etməyi tövsiyə edib
13-10-2023, 22:20
Beynəlxalq Olimpiya Komitəsinin (BOK) İcraiyyə Komitəsi ağır atletika üzrə turniri 2028-ci ildə Los-Ancelesdə keçiriləcək Olimpiya Oyunlarının proqramına daxil etməyi tövsiyə edib.
BrendSport.az xəbər verir ki, bu barədə BOK-un mətbuat xidməti məlumat yayıb.
Məlumatda bildirilir: “BOK-un İcraiyyə Komitəsi Beynəlxalq Ağır Atletika Federasiyasının (IWF) Beynəlxalq Test Agentliyinin (ITA) Antidopinq idarəsinə nümayəndə göndərməsindən sonra ağır atletika üzrə turniri Los-Ancelesdə keçiriləcək Olimpiya Oyunlarının proqramına daxil etməyi tövsiyə edib. BOK 2024-cü ildə Parisdə keçiriləcək Olimpiya təsnifatında antidopinq proqramlarının effektivliyinə, həmçinin IWF-də idarəçilik üzrə dəyişikliklərin həyata keçirilməsinə diqqətlə nəzarət etməyə davam edəcək”.
BOK 2021-ci ildə ağır atletikanı 2028-ci il Olimpiadasının proqramına daxil etməmişdi. Komitə bildirmişdi ki, IWF-nin dopinqlə mübarizə üzrə tövsiyələri yerinə yetirməsi və antidopinq sistemindən asılı olmadığını göstərməsi vacibdir.
Geri qayıt