Yanvarın 14-də “Sərhədçi” İdman Mərkəzində, “Neftçi” və “Zirvə Astara” komandaları üz-üzə gəldilər.
BrendSport.az xəbər verir ki, Azərbaycan Basketbol Federasiyasından AZƏRTAC-a bildiriblər ki, oyunun birinci dövrəsində hesabda geri düşməsinə baxmayaraq, sonradan geri dönüş edən paytaxt klubu matçdan 102:82 hesablı qələbə ilə ayrılıb. Qarşılaşmada ən məhsuldar basketbolçular “Neftçi” klubundan (Davit Lomidze - 26 xal, 8 asist), “Zirvə Astara”dan isə (Cerret Henderson - 33 xal, 10 ribaund) olub.
Qeyd edək ki, turun bağlanış oyunu yanvarın 15-də saat 15:00-da “Olimpik Şəki” və “AAAF Xırdalan” komandaları arasında keçiriləcək.